1- Октябрь Халықаралық қарттар күні!

2024 жылдың 1 октябрьында «Жас Ұлан» балалар мен жасөспірімдер ұйымы мен №13 орта мектептің оқушылары қарттар күніне орай ерекше іс-шара ұйымдастырды. Бұл шараның мақсаты – қарт адамдарға құрмет көрсету, оларға көңіл бөлу және жылы сөздермен қолдау көрсету.
Іс-шара біздің қаламыздағы №2 қарттар үйінде өтті. Ұстаздардың және ата-аналардың спонсорлық көмегімен оқушылар мен «Жас Ұлан» мүшелері қарт адамдарға тәтті сыйлықтар мен арнайы дайындалған сыйлықтарды әкелді. Шара барысында жастар қарттарға арнап концерт қойып, ән айтып, би биледі. Қарт адамдардың жүздеріндегі қуаныш пен ризашылық бізді шабыттандырды.
Осы іс-шараның барысында оқушылар мен қарт адамдар арасында жылы әңгімелер өрбіді. Қарттар өздерінің өмірлік тәжірибелерімен бөлісіп, жастарға ақыл-кеңестерін айтты. Оқушылар да өздерінің жоспарлары мен армандарын айтып, қариялардың назарын аударды.
«Жас Ұлан» ұйымының мүшелері мен №13 орта мектептің оқушылары үшін бұл іс-шара тек бір күндік акция емес, сонымен қатар, қарттарға деген құрметімізді білдіретін маңызды сәт болды. Біз болашақта да мұндай кездесулерді ұйымдастырып, қарт адамдарға көмек көрсетуге дайынбыз.
#біртұтас_тәрбие