Кездесу кеші

28 желтоқсан күні Қайрат Рысқұлбеков саябағында орналасқан «JELTOQSAN,86» орталығында №13 орта мектептің тарих пәні мұғалімдерінің ұйымдастыруымен «Жүректе қалған жаңғырық» атты тақырыпта желтоқсан көтерілісінің қатысушыларымен кездесу өтті.
Кездесу барысында «Желтоқсан-86» қоғамдық бірлестігінің төраға орынбасарлары С.Мырзабай, Т. Кеншинбеков, алқа кеңесі мүшесі Е. Сұлтан және желтоқсан көтерілісінің ардагері әрі №13 орта мектептің директоры А. Агибаева өз ойларымен бөлісіп, көтерілістің шығу себептері мен салдары туралы әңгімелеп берді. Оқушаларды отансүйгіштікке, ерлікке, достыққа, ұйымшылдыққа шақырды.Тәуелсіздіктің жолында құрбан болған боздақтардың ерен еңбегін ұмытпауға, егемендікті бағалауға тәрбиеледі .